گاڤ

سەرۆکێ پەڕلەمانێ ئیرانێ راگەهاند، تا حەفت مەرجێن وەلاتێ وى ل سەر بنەمایێ لێکتێگەهشتنا ئیسلام ئاباد نەهێنە بجهئینان دەرتەنگا هۆرمز ناهێتە ڤەکرن.

محەمەد باقر قالیباف، سەرۆکێ پەڕلەمانێ کۆمارا ئیسلامى یا ئیرانێ ئەڤرۆ ئێکشەمبێ گۆت: ئەمریکا ل هەمبەر خۆڕاگرییا گەلێ ئیرانێ توووشى بێچارەیێ بوویە و دیارکر، ئەمریکى ل ڤێ دوماهییێ ب رێکا ناڤبەینکاران پێشنیاز دیارکریە، لێ دڤێت تێبگەهین دەمێ داخوازیێن ئێکلائالى چوویە.

سەرۆکێ پەڕلەمانى دیارکر، پێشتر تەهرانێ حەفت مەرج ل سەر بنەمایێ لێکتێگەهشتنا ئیسلام ئاباد هەبوون، هەردەما هاتنە بجهئینان ئەو دێ دەرتەنگا هورمز ڤەکەن.

هەروەسا قالیباف ئاماژە ب هندێ ژى دا دوژمن رۆژەکێ بەحسێ دانوستاندن و رێککەفتنێ دکەت و رۆژا دى گەف و وێرانکارى گۆتنێن وێ نە، هندەک جاران ژى بانگەشەیا ناڤبەینکاریێ دکەت.

ل دۆر هەڤسەنگییێ ژى دناڤا شەڕ و دیپلۆماسییەتێ دا دیارکر، ئەو شەڕى و دانوستاندنان ژى دکەن، دازانین ژى ئەو ب هەموو هێزا خۆ ل گۆڕەپانا سەربازى ئامادەنە و هەموو ئامرازێن دیپلۆماسى ژى بۆ پاراستنا مافێن گەلێ ئیرانێ بکاردئینن.