گاڤ

سەرۆکێ رەوتا حیکمە یا نشتیمانى ئاشکراکر، ئیراق ب شکاندنا ئیرادەیا ئالیییان ناهێتە ب رێڤەبرن و هەر پێشکەفتنەک د ناڤبەرا بەغدا و هەولێرێ دا پێشکەفتنا تەماما ئیراقێ یە.

عەمار حەکیم، سەرۆکێ رەوتا حیکمە یا نشتیمانى یا ئیراقێ دیاردکەت، دەولەتا ئیراقێ هێزا وێ ئەوە هەمى پێکهات هەست بکەن هەڤپشکییا راست و رەسەن یا وەلاتى نە و دوپاتکر، ئیراق ب شکاندنا ئیرادەیان و زوالبوونا ئالییان ب سەر ئالیێن دى دا ناهێتە برێڤەبرن و هەر پێشکەفتنەکا د ناڤبەرا هەولێر و بەغدایێ دا پێشکەفتنا تەماما ئیراقێ یە.

هەروەسا ئاشکراکر، ئیراق د ناڤا چەقا ناوچێ دا دژیت و هەژى وەرچەرخانەکا کوور و بلەزە و نابیت سیاسەتا دەرڤە یا ئیراقێ بۆ ئالیێن بەرامبەر بهێتە بکارئینان.

هەروەسا دیارکر ژى پاراستنا پرۆسەیا سیاسى بتنێ ب گۆتاران ب رێڤەناچیت، بەلکو دێ ب رێکا چاکسازییێ و گەشەپێدانا بەردەوامە و بڕیارا ئاشتى یان شەڕى د ستۆیێ سازیێن دەستوورى دایە.