ل هندستانێ بەلەمەک وەرگەرییا نێزیکی 15 زارۆکان خەندقین

بەلاڤ بکە

گاڤ

ل رویبارێ گانجی ل هندستانێ، بەلەمه‌ک وەرگەرییا نزیکی 15 زارۆکان ژیانا خۆ ژ دەست دان، و سەرۆکوەزیرێن وێ وەلاتی سەرەخۆشی ل خێزانێن قوربانییان کر و سۆزدا کو قەرەبوویا وان بکەت.

ئاژانسا نووچەیان پرێس تراست ئۆف هیند ئەڤرۆ رۆژا چارشەمبی، 14-10-2026ێ بەلاڤکر، شەڤا بۆری بەلەمه‌ک ل رویبارێ گانجی ل هندستانێ وەرگەرییا و ب وێ ئەگەرێ 13 زارۆکان ژیانا خۆ ژ دەستدان و گۆت؛ تما ل هەوارچوونێ شیین تەرمێن قوربانییان ژ ئاڤێ دەربئێخن.

ئاژانسێ راگەهاند ژی، رویدان ل دەڤەرا ڤایشالی ل ویلایەتا بیهار رویدا، دەمێ بەلەم بەرەڤ ئاهەنگەکێ د چوو، بەلەمێ نزیکی 15 بۆ 20 کەسان تێدابوون و تەمەنێ هەمی قوربانییان 15 سال یان کێمتر بوو.

هێشتا ژمارا دروست یا سەرنشینێن بەلەمێ ب تمامی نەهاتییە زانین، و د هەمان دەم دا ل گەل بەردەوامبوونا پرۆسەیێن لێگەریان و دویڤچوونێ، ناریندرا مۆدی، سەرۆکوەزیرێن هیندستانێ، ل دۆر وێ رویدانێ نیگەرانییا خۆ دیار کر.

مۆدی سەرەخۆشی ل کەسوکارێن قوربانییان کر و بریارا قەرەبووکرنێ بۆ خێزانێن قوربانییان راگەهاند، دا کو هاریکارییا د ڤی دەمێ سەخت دا بهێتەکرن.

زێدەتر دەربارەی