ژبه‌ر ره‌خنه‌گرتنێ ل ئه‌ردۆگانى كه‌ناله‌ك د په‌خشێ زندى دا هاته‌ گرتن

بەلاڤ بکە

گاڤ

کەنالێ "Halk TV" یێ ئۆپۆزسیۆن ل توركیا كو ژ وان كه‌نالێن كێمه‌ یێن د وێرییا ره‌خنێ ل ئه‌ردۆگانى بگریت د پەخشی راستەوخۆ دا هاته‌ گرتن.

سپێدەهییا ئەڤرۆ ل سته‌نبۆلێ، هێزێن پۆلیسان دەست بسەر بارەگایێ کەنالێ "Halk TV" دا گرت و رێگری ل کارمەندان کر كارێ خۆ بكه‌ن. ل دویڤ گۆتنا داواکارییا گشتی، ئۆپەراسیۆن ژ بەر تۆمەتێن بەرتیل، سه‌خته‌كارى و سپیکرنا پاری بوویە؛ بڕیارا دەستەسەرکرنێ بۆ 17 کەسان دەرکەفتییە و 11 کەس هاتینە دەستەسەرکرن.

ئەڤ کەنالە ب رەخنەگرتنا دژوار ل ئەردۆغانی و پشتەڤانیکرنا ئۆپۆزسیۆنێ دهێتە ناسین. سەرەرای کو حکومەت ڤان گاڤان ب بجهئینانا یاسایێ د ده‌ته‌ زانین، لێ ئالییێن ئۆپۆزسیۆنێ و چاڤدێرێن مافێن مرۆڤی وەک بێدەنگکرنا دەنگێ ئازاد و فشارێن سیاسی ل سەر رۆژنامەڤانیێ بناڤ دکەن.

کەنالێ ناڤبری چەندین جاران تووشی سزا و دەستەسەرکرنا رۆژنامەڤانێن خوە بوویە. تورکیا د رێزبەندییا رێکخراوا "پەیامنێرێن بێ سنوور"  بۆ ئازادییا رۆژنامەگەریێ یا دا د رەوشەکا خراب دایە و ل رێزا 159ێ دهێت ژ 180 دەولەتان دا.

زێدەتر دەربارەی