پارتی بەربژارێن خۆ بۆ هەر دو پۆستێن بەغدا دیارکرن

بەلاڤ بکە

گاڤ

پارتی دیمۆکراتی کوردستان ناڤێن بەربژارێن خۆ بۆ وەرگرتنا پۆستێن جێگرێن سەرۆکوەزیرێن ئیراقێ و وەزیڕێ ئاڤەدانکرن و ئاکنجیبوونێ ئاسکراکرن.

دانەر عەبدولغەفار، پەیڤدارێ فراکسیۆنا پارتی دیمۆکراتی کوردستان ل پەرلەمانێ ئیراقێ، د راگەهاندنەکێ دا ئاشکرا کر، بریارە ئەڤرۆ پەرلەمانێ ئیراقێ کۆم بیت. مەرەم ژ ڤێ کۆمبوونێ دەنگدانە بۆ تەمامکرنا کابینەیا حکوومەتا عەلی زەیدی و پڕکرنا وان پۆستێن وەزاری یێن کو هەتا نوکە ب ڤالا ماین.

پەیڤدارێ فراکسیۆنا پارتی راگەهاند؛ پارتی دیمۆکراتی کوردستان بەربژارێن خۆ یێن فەرمی بۆ شایستەیێن خۆ د کابینەیا نوی یا حکوومەتێ دا دیار کرینە.

د پشکەکا دی یا راگەهاندنێ دا دانەر عەبدولغەفار بەحس ل وێ یەکێ کر، د. فارس شێخ سەدیق بریفکانی بۆ پۆستێ جێگرێ سەرۆکوەزیرێن ئیراقێ هاتییە بەربژارکرن. هەروەسا رێباز حەملان بۆ وەرگرتنا پۆستێ وەزیری ئاڤەدانکرن و ئاکنجیبوونێ هاتییە دەستنیشانکرن.

بریارە ئەڤرۆ ئێڤاری دەمژمێر 07:00ێ روینشتنا پەرلەمانێ ئیراقێ بۆ دەنگدانێ ل سەر تەمامکرنا کابینەیا سەرۆکوەزیران عەلی زەیدی رێڤە بچیت، روینشتن دێ ب گرتی هێتەکرن و رێ ناهێتە دان دەزگەهێن راگەهاندنێ ئامادە بن.

کارنامەیا روینشتنێ هاتییە تایبەتکرن ب دەنگدانێ ل سەر بەربژێرێن پۆستێن جێگرێن سەرۆکوەزیران و وەزارەتێن هەتا نوکە بەتال، هەروەسا دەنگدان ل سەر پێکهاتنا چەند وەزارەتێن نوو.

 

زێدەتر دەربارەی