بڕیارا بلندکرنا بهایێ دەرخستن و نویکرنا پاسپۆرتێ ل ئیراقێ و هەرێمێ هاتە راگرتن
10/15/2026 - 23:43
گاڤ
پشتی چەند دەمژمێران ژ بحهئینانا بڕیارا بلندکرنا بهایێ پاسپۆرتێ بۆ 101 هزار دیناران، وەزارەتا ناڤخۆ یا ئیراقێ ب فەرمی بڕیار راگرت و بهایێ وێ وەکی بەرێ ب 91 هزار دیناران هێلا.
وەزارەتا ناڤخۆ یا ئیراقێ د راگەهاندنەکێ دا دیار کر، لسەر راسپاردەیا فەرماندەیێ گشتی یێ هێزێن چەکدار، بریکارێ وەزارەتا ناڤخۆ بڕیار دا بهایێ دەرخستن و نویکرنا پاسپۆرتا ئیراقی نەهێتە زێدەکرن و وەک پێشتر ب 91 هزار دیناران بمینیت.
دەستپێکرنا بجهئینانا بڕیارا ئهڤرۆ سپیدێ یا زێدەکرنا 10 هزار دیناران لسەر بهایێ پاسپۆرتا ئەلکترۆنی، دلگرانی و کارڤەدان د ناڤ وەلاتیان دا دروستکرییه، ژ بهر ڤی ئێكێ د دەمەکێ کێم دا و ب فەرمانا حکوومەتێ بڕیار هاتە هەلوەشاندن.
GAV