حووسییان ل عەدەن هێرشی کۆچکەکا سەرۆکاتییێ کر، 5 کەس هاتنە کوشتن
گاڤ
حووسییان ل عەدەن هێرشی کۆچکەکا سەرۆکاتییێ کر، 5 کەس هاتنە کوشتن، 5 کەس هاتنە کوشتن و 16 کەسێن دی ژی بریندار بوون.
وەزیرێ ساخلەمییێ یێ یەمەنێ، نویترین ئامارا قوربانییێن هێرشا دوهی راگەهاند و پشتراستکر کو 5 کەسان گیانێ خۆ ژ دەست دایە و 16 بریندار ژی ل نەخۆشخانەیێن عەدەنێ چارەسەرییێ وەردگرن، موعەممەر ئیریانی، وەزیرێ راگەهاندنا یەمەنێ ئاشکرا کر، حووسییان ب 5 مۆشەکان بارەگەهێ سەرەکییێ حکومەتێ ل کۆچکا مەعاشیق کرە ئارمانج.
حکومەتا یەمەنێ د راگەهاندنەکێ دا پشتراستی دا کو شایع زیندانی، سەرۆکوەزیرێن یەمەنێ و هەمی وەزیرێن حکومەتێ د دەمێ کەفتنا مۆشەکان دا ل ناڤ کۆچکێ بوون و چ زیان بەر وان نەکەفتن، لێ دو زێرەڤانێن سەرۆکوەزیران د دەمێ ئەرکێن وان دا گیانێ خۆ ژ دەست دایە.
ئەڤە جارا ئێکێ یە ژ دەمێ سەرهلدانا شەرێ ناڤخۆ، حووسی راستەوخۆ بارەگەهێ فەرمییێ سەرۆکاتییا حکومەتا دانپێدانکری یا نێڤدەولەتی ل عەدەنێ ب مۆشەکان بۆردومان بکەن.
GAV