12 کۆچبەر د دەریا ئیجە دا خەندقین
گاڤ
د دو روودایێن جودا دا ل دەریا ئیجە، 12 کۆچبەران ژیانا خۆ ژ دەست دا، پشتی بەلەمەک وەرگەریایی ئێکی ژی خۆ ل کەشتییەکا پۆلیسان دایی.
زێرەڤانێن کنارێن یۆنانێ راگەهاند؛ 12 کۆچبەر د دەمێ بزاڤان بۆ دەربازبوونێ ژ دەریا ئیجە خەندقین، ل گۆرەی زانیارییان، رویدانا ئێکێ ل نزیک گزیرتەیا لێسبۆس رویدا، دەمێ بەلەمەکا کۆچبەران خۆ ل کەشتییەکا پۆلیسان دایی و بوو ئەگەر ئەگەرێ خەندقینا شەش کۆچبەران، کو د ناڤ وان دا زارۆکەک و چار ژن هەنە و تەرمێن وان هاتنە دیتن.
ژ ئالییەکێ دی ڤە، د رویدانا دووەم دا ل نزیک گزیرتەیا سامۆس، شەش کۆچبەرێن دی ژی ژ ئەگەرێ بنئاڤبوونا بەلەمەکا بچووک خەندقین.
دەریای ئیجە بوویە ئێک ژ رێکێن سەرەکی و مەترسیدار بۆ کۆچبەران ژ تۆرکیا بەرەڤ یۆنان و ولاتێن ئەورۆپی، سالانە بهزاران کەس ب بەلەمان وێ ڕێکا مەترسیدار دگرنە بەر، و قاچاخچی ژی زێدەتر ژ شیانێن بەلەمان ژمارەکا مەزن یا کۆچبەران لێ سیاردکەن، کو پترییا جاران دبنە ئەگەرێ کارەساتێن دلتەزین.
GAV