لۆلا داسیلڤا بۆ جارا چارێ بوو ب سەرۆکێ بەرازيلێ

بەلاڤ بکە

گاڤ

لۆیز ئیناسیۆ لۆلا داسیلڤا د گەرا دویماهییێ يا هەلبژارتنێن سەرۆکایەتییا بەرازيلێ دا سەرکەفتنەکا مێژوویی تۆمار کر و بۆ جارا چارێ پۆستێ سەرۆکایەتییێ مسۆگەر کر.

ل دەڤ بریارا لژنا هەلبژارتنان، لۆلا داسیلڤایێ تەمەن 80 سال شیيا 51.8% یا دەنگان ب دەست خۆ ڤە بینیت و بەسەر هەڤرکێ خۆ فلاڤیۆ بۆلسۆنارۆ دا سەربکەڤیت، کۆ ئه‌وی 48.2% یا دەنگان ئینابوون.

د گۆتارەکێ دا ل هەمبەر جەماوەرێ خۆ، لۆلا راگەهاند؛ کۆ گەلێ بەرازیلێ د ژ پێخەمەت سەرکەفتنا دیمۆکراسییێ دا دەنگ دایە. بەلێ ژ ئالییێ خۆ ڤە، فلاڤیۆ بۆلسۆنارۆ ئەنجامێن هەلبژارتنان رەت کرن و دیار کر کۆ ئامار جهێ گۆمانێن مەزنن و دێ تانەیان ل سەر ئەنجامان دەت.

لۆلا داسیلڤا، ئێک ژ دیارترین سەرکردەیێن چەپڕەوە ل ئەمریکا لاتین، د ناڤبەرا سالێن 2003 تا 2010 دا ل دو خۆلان سەرۆک بوو. پشتی زیندانکرنا وی و ئازادکرنا وی ژ ئالییێ دادگەهێ ڤە، ل سالا 2022ێ زڤری سیاسیەتێ و ل هەلبژارتنێن سالا 2026ێ ب جیاوازیەکا کێم بەسەر کورێ سەرۆکێ پێشتر یێ راسترەوان دا سەرکەفت.

زێدەتر دەربارەی