د رویدانەکا دلتەزین یا شەمەندەفەران دا ل ئسپانیا 50 کەسان ژیانا خۆ ژ دەستدا
گاڤ
ل نێزیک باژێرێ تۆلیدۆ ل ناڤەراستا ئسپانیا، ژ ئەگەرێ لێکدانا دو شەمەندەفەرێن بلەز، 50 کەسان ژیانا خۆ ژ دەستدا و 179 کەسێن دی ژی بریندار بوون، دهێتە پێشبینیکرن ئامارا قوربانییان بلندتر ببیت.
پێدرۆ سانشێز، سەرۆک وەزیرێن ئسپانیا ل دۆر رویدانێ ئەڤرۆ رۆژا چارشەمبێ 28-10-2026ێ راگەهاند؛ تیمێن ل هەوارچوونێ ل جهێ رویدانێ نە بۆ پێشکێشکرنا هاریکارییان و سەرەخۆشی ل مالباتێن قوربانییان کر.
ل گۆرەی زانیاریێن میدیایێن ئسپانی: رویدان ل دوریا 150 کیلۆمەتران ل باشۆرێ مەدرید ل هەرێما کاستیا لامانچا چێبوویە.
مانوێل گالان، سەرۆکێ باژێرڤانییا ئۆردا ل ئسپانیا دیار کر: هەمی ئامیرە و تیم، ژ وان ژی یێن ئاگرڤەمراندنێ و سێ هەلیکۆپتە،هاتینە ئامادەکرن و بوو وی جهی دهێنە رەوانەکرن.
ژ ئالییێ خۆ ڤە کۆمپانیا ئادێف راگەهاند؛ هاتنوچوونا شەمەندەفەران د ناڤبەرا مەدرید و باشۆرێ ئسپانیا دا هاتییە راگرتن.
ئەڤ رویدانا دلتەزین ل دەمەکی یە بەری هەشت هەیڤان ژی رویدانەکا وەکی ڤێ ل باژێرێ ئادامووس ل باشۆرێ ئسپانیا رویدابوو، 46 کەس مربوون.