ل تورکیا نابیت زارۆکێن بن 15 سالییێ تورێن جڤاکی بکاربینن
گاڤ
ل تورکیا بریارەکا نوی ل سەر بکارئیانانا تورێن جڤاکی هاتە دان، ژ نها وێڤە نابیت زارۆکێن بن 15 سالییێ تورێن جڤاکی بکاربینن
ل تورکیا و باکورێ کوردستانێ، یاسایەکا نوی ل سەر بکارئینانا تۆرێن جڤاکی کەفتە د بوارێ بجهئینانێ دا ژ ئەڤرۆ رۆژا ئێکشەمبی 1-11-2026ێ، ل گۆرەی ڤێ یاسایا نوی، ئەو زارۆکێن تەمەنێ وان ژ 15 سالان کێمتر، نەشێن چ جاران تۆرێن جڤاکی بکاربینن.
فەرمانگەها ئاسایشا ئەلکترۆنی یا سەرۆکاتییا کۆمارێ سەرپەرشتییا ڤی پرۆژەی دکەت، هەر کەسەکێ بڤێت هەژمارەکێ ل سەر تۆرێن جڤاکی ڤەکەت، دڤێت ب رێکا سیستەمێ "ئی-دەوڵەت" سەلمینیت کو تەمەنێ وی ژ 15 سالان مەزنترە، هەروەسا ئەو کەسێن بەری نوکە هەژمار ژی هەین، موولەت هەیە هەتا 31-3-2027ێ تەمەنێ خۆ پشتراست بکەن، ئەگەر نە هەژمارێن وان دێ هێنە گرتن.
بۆ گەنجێن تەمەن 15 بۆ 17 سالی ژی چەند مەرجەکێن توند هەنە؛ ژ وان ژی هەژمارێن وان ب شێوەیەکێ خۆکار دبنە تایبەت، نامەیان تەنێ ژ کەسێن وان فۆڵۆ کرین دشێن وەرگرن و نەشێن پەخشێن راستەوخۆ ڤەکەن و بچنە تێدا هەروەسا، دایک و باب دشێن چاڤدێرییا داتا، دەمێ بکارئینانێ و خەرجیێن زارۆکێن خۆ بکەن.
GAV