کی دێ بیتە راهێنەرێ یانا زاخۆ؟
گاڤ
سەرۆکێ یانەیا زاخۆ نەمانا راهێنەر تەلال بلووشی ل گەل یانێ راگەهاند و دو بەربژارێن سەرەکی بۆ وەرگرتنا پۆستێ راهێنەراتییا تیمێ ئاشکرا کرن.
چیا ئەمین، سەرۆکێ یانەیا زاخۆ ئەڤرۆ رۆژا چارشەمبێ 4-11-2026ێ د کۆنگرەیەکێ رۆژنامەڤانی دا راگەهاند؛ بەری دو رۆژان مە داخواز ژ راهێنەرێ یانەیا زاخۆ یێ قەتەری تەلال بلووشی کر کو دەستان ژ پۆستێ راهێنەراتییا تیمێ بەردەت وی ژی ب سینگەکێ بەرفرەهـ داخوازییا وان قەبویل کرییە و سوبەهی دێ دویماهی یارییا وی بیت ل گەل یانێ.
دەربارەی بابەتێ هاتنا مەسعوود میرالی راگەهاند؛ مە چەندین بەربژار دەستنیشانکرینە راهێنەر مەسعوود میرال ژی ئێک ژوان بەربژارانە دانوستاندن ل گەل بەردەوامن ئەگەر رێککەفتن هاتە کرن دێ پۆستێ راهێنەرێ تیمێ وەرگریت.
دا زانین ژی: ئەگەر رێککەفتن ل گەل میرالی نەهاتەکرن بەربژارێ مە یێ دوێ راهێنەرعەبدولغەنی شەهدە، ژبەرکو پێشتر تاقیکرنەکا سەرکەفتی ل گەل یانێ هەبوویە، لێ ئەگەر رێککەفتن ل گەل وی ژی نەهاتە کرن دێ بەرەڤ بەربژارێن دی ڤە چن.
سەرۆکێ یانەیا زاخۆ ئاشکرا ژی کر کو دو سێ رۆژێن دی دێ بابەتێ راهێنەرێ نوی ئێکلا بیت.
GAV