شاندەکێ دەم پارتی سەرەدانا دەمیرتاش و یوکسەکداغێ کر

بەلاڤ بکە

 

گاڤ

شاندەکێ پارتییا وه‌كهه‌ڤى و دیموکراتییا گەلان "ده‌م پارتیێ" ب سەرۆکاتییا تولای هاتەم ئۆغولاری سەرەدانا هه‌ڤسەرۆکێن پێشتر یێن هەدەپێ د زیندانێ دا کر و داخوازا ئازادکرنا بلەز یا هەمی زیندانیێن دۆسەیا کۆبانێ کر.

تولای هاتەم ئۆغولاری، هه‌ڤسەرۆکا دەم پارتی د کۆنگرەیەکێ رۆژنامەڤانی دا دیار کر، وان سەرەدانا هەردو سەرکردەیێن زیندانکری سەلاحەدین دەمیرتاش و فیگەن یوکسەکداغێ کریە. ناڤهاتیێ دوپاتكر، پێدڤییە بڕیارێن دادگەها مافێن مرۆڤی یا ئەوروپا دەربارەی ئازادکرنا وان بێ گیرۆبوون بهێنە بجهئینان.

هه‌ڤسه‌رۆكا دەم پارتی گۆت ژی، دەمیرتاش ل ژێر رەوشا دژوار یا زیندانێ ژی بەردەوامیێ ددەتە پشتەڤانییا خۆ بۆ پرۆسەیا ئاشتیێ و جڤاکا دیمۆکراتی. وێ ئاماژە ب وێ چەندێ ژی کر، تا ئێک زیندانیێ سیاسی بمینیت، ئه‌و دێ ل دەرڤە لسەر خەباتا خۆ بەردەوام بن.

 

 

زێدەتر دەربارەی