يوڤێنتۆس تێهه‌لچوونه‌ك ل دژى بڕيارا كێمكرنا 15 خالان ژ يانه‌يێ د خۆلا ئيتاليا دا پێشكێشكر

بەلاڤ بکە

 

گاڤ

كارگێريا يانه‌يا يوڤێنتۆس ئه‌ڤرۆ شه‌مبيێ تێهه‌لچوونه‌ك ل دژى بڕيارا كێمكرنا 15 خالان ژ يانه‌يێ د خۆلا ئيتاليا يا ته‌پاپێى يا وه‌رزێ 2022-2023 دا پێشكێشكر.
دادگه‌ها فيدرالى ل ئيتاليا ژ به‌رى نوكه‌ ژ به‌ر بده‌ستڤه‌ئينانا قازانجێن سه‌رمايه‌يى بڕيارا كێمكرنا 15 خالان ژ خالێن يوڤێنتۆس د خۆلا ئيتاليا دا دابوو و كارگێريا يانه‌يا يوڤێنتۆس ژ به‌رى نوكه‌ ده‌ستژكاركێشانا خۆ راگه‌هاند بوو.
هه‌روه‌سا دادگه‌هێ بڕيارا راوه‌ستاندنا فابيۆ باراتيچى رێڤه‌به‌رێ وه‌رزشى يێ به‌رێ يێ يوڤێنتۆس ژ چالاكيێن وه‌رزشى بۆ 2 سال و نيڤان، هه‌روه‌سا ئه‌ندريا ئه‌نيێلى سه‌رۆكێ به‌رێ يێ يانه‌يێ و فابريزيۆ ئه‌ريڤابێنێ ب راوه‌ستاندنێ بۆ 2 سالان ژ وه‌رزشێ و باڤل نێدڤێد جێگرێ سه‌رۆكێ يانه‌يێ يێ به‌رێ ب راوه‌ستاندنێ بۆ 8 هه‌يڤان ژ وه‌رزشێ ده‌ركربوو.
ل گۆره‌ى مالپه‌رێ فوتبۆل ئيتاليا؛ يوڤێنتۆس تێهه‌لچوونه‌ك ل دژى بڕيارا كێمكرنا 15 خالان ژ خالێن وێ د خۆلا ئيتاليا دا ل هه‌مبه‌ر جڤاتا گره‌نتيا وه‌رزشى و ل گۆره‌ى به‌ندێن تايبه‌ت ب ياسايا وه‌رزشى پێشكێشكر.
چاڤه‌رێ دهێته‌ كرن د ده‌مێ دو هه‌يڤان دا حوكمێ دويماهيێ د ڤى ده‌ربارى دا بهێته‌ دان.
ب كێمكرنا 15 خالان ژ خالێن وێ، يانه‌يا يوڤێنتۆس رێزبه‌نديا خۆ ل رێزا سيێ د خۆلا ئيتاليا دا ب 37 خالان ژده‌ستدا و بۆ رێزا 10ێ ب 22 خالان داكه‌فت.
 

زێدەتر دەربارەی