هوشداری ژ بکارئینانا هندەک جۆرێن دەرمانێن زارۆکان هاتە دان

بەلاڤ بکە

گاڤ

ساخلەمیا نێڤدەولەتی هوشداری ژ بکارئینانا هندەک جۆرێن دەرمانێن زارۆکان دان و راگەهاند: ل سالا 2022یێ 300 زارۆک ژبەر بکارئینانا وان جۆرێن دەرمانان مرینە.

رێکخستنا ساخلەمیا نێڤدەولەتی ئەڤرۆ رۆژا سێشەمبی راگەهاند: هندەک جۆرێن دەرمانێن کوخکێ یێن زارۆکان ماددەیێن ب ژەهر د ناڤ دا هەنە و ئەو ماددە دبنە ئەگەر کو گولچیسکێن زارۆکان ژکار بکەڤن، لەورا پێدڤیە ئەو دەرمان نەهێنە بکارئینان.

د راپۆرتا ساخلەمیا نێڤدەولەتی دا هاتیە ژی: ل سالا 2022یێ ل هەرسێ وەلاتێن ئیندۆنیزیا، ئۆزبەکستان و گامبیا ئەو دەرمان بووینە ئەگەرێ مرنا پتری 300 زارۆکێن ژیێ وان د بن 5 سالیێ دا.

دەربارەی وان جۆرێن دەرمانان، ساخلەمیا نێڤدەولەتی خۆیا کریە: هندەک دەرمانێن کوخکێ یێن ماددەیێ ئیتیلین گلایکۆل د ناڤ دا و بێی راچێتا نوشداری دهێنە دان، ماددەیێن کیمیایی یێن بترس د ناڤ دا هەنە و دبنە ئەگەرێ ژکارکەفتنا گولچیسکێن زارۆکان و مرنا وان.

هه‌روه‌سا گۆتیه‌، ئه‌و ده‌رمانه‌ ل هه‌ر ئێك ژ وه‌لاتێن فلبینن تیمۆرا رۆژهه‌لات، سه‌نیگال و كه‌مبۆدیا هه‌یه و ل ئیراق و هه‌رێما كوردستانێ ژى ئه‌و ده‌رمان نینه‌ هه‌روه‌ك د ناڤا لیستا ساخله‌میا جیهانى به‌لاڤكرى‌ و داخواز ژ هه‌موو وه‌لاتان كر وان ده‌رمانان بكارنه‌ئینن.

هه‌روه‌سا گۆتیه‌، ئه‌و ده‌رمانه‌ ل هه‌ر ئێك ژ وه‌لاتێن فلبینن تیمۆرا رۆژهه‌لات، سه‌نیگال و كه‌مبۆدیا هه‌یه و ل ئیراق و هه‌رێما كوردستانێ ژى ئه‌و ده‌رمان نینه‌ هه‌روه‌ك د ناڤا لیستا ساخله‌میا جیهانى به‌لاڤكرى‌ و داخواز ژ هه‌موو وه‌لاتان كر وان ده‌رمانان بكارنه‌ئینن.