گاڤ-دهۆک

جڤاتا پارێزگەها دهۆکێ ل دۆر چەوانیا باشترکرنا سیستەمێ غازێ و رەوشا نوکە یا ڤی سیستەمی ب راپۆرت دێ گەنگەشێ لسەرکەت و دەتە لایەنێن پەیوەندیدار ب مەرەما بجهئینانێ.

هشیار فەریق، سەرۆکێ فراکسیۆنا پارتی ل جڤاتا پارێزگەهێ بۆ گاڤ دیارکر؛ سوبەهی دێ ئاشۆر یۆخەنا ل جهێ فارس یۆحەنا وەک ئەندامێ جڤاتێ سویند خۆت و پاشی دێ راپۆرتا ل دۆر سیستەمێ غازێ هێتە خواندن و گەنگەشەکرن.

دەربارەی ناڤەرۆکا راپۆرتێ، سەرۆکێ فراکسیۆنێ دیارکر؛ لژنەیەک هاتیە پێکئینان ل دۆر وی سیستەمی دیفچوون کریە کا نوکە د چ رەوشدایە و پشتی گەنگەشەکێ ئەو خالێن دهێنە پەسەندکرن بۆ چەوانیا باشترکرنا سیستەمێ دێ بۆ لایەنێن پەیوەندیدار هێنە بلندکرن داکو بهێتە بجهئینان و دێ چاڤدێریەکا پترژی لسەر هێتەکرن.