گاڤ

سامانێ خۆدانێ نوى يێ تۆرا تويته‌رى و كۆمپانيا تێسلا يا ترۆمبێلان ب 11 مليار دۆلاران زێده‌ بوو.

ل گۆره‌ى داتايێن بلۆمبێرگ؛ هه‌ر ژ ده‌مێ دادگه‌هه‌كا مه‌ده‌نى يا ئه‌مريكى ده‌ست ب گوهداريا ديده‌ڤانيا ئيلۆن ماسك د كێشه‌يا تويته‌كێ دا ل سالا 2018ێ كرى و تێدا پلانا خۆ بۆ لادانا كۆمپانيا تێسلا ژ بۆرسه‌يێ و گوهۆڕينا وێ بۆ كۆمپانيه‌كا تايبه‌ت ل گه‌ل گره‌نتيا ته‌مويلكرنێ ئاشكرا كربوو، سامانێ وى ب 11 مليار دۆلاران زێده‌ بوويه‌.

ديار ژى كريه‌؛ سامانێ خۆدانێ كۆمپانيێن تێسلا و سپه‌يس ئێكس ب نزيكى 10.6 مليار دۆلاران زێده‌ بوويه‌ و گه‌هشتيه‌ 145.2 مليار دۆلاران.

خۆدانێن پشكان د سالا 2018ێ دا سكالايه‌ك ل سه‌ر ئيلۆن ماسك ژ به‌ر تويتا وى يا تێدا گۆتى "ته‌مويله‌كا گره‌نتيكرى بۆ دوباره‌ ڤه‌گه‌ڕاندنا تێسلا وه‌ك كۆمپانيه‌كا تايبه‌ت ب بهايێ 420 دۆلاران بۆ هه‌ر پشكه‌كێ هاتيه‌ وه‌رگرتن" تۆماركربوون.

ل وى ده‌مى ئه‌و هه‌ڤبه‌ست نه‌هاتبوو گرێدان و خۆدانێن پشكان سكالا ل سه‌ر ماسكى تۆمار كربوون و تێدا داخوازا قه‌ره‌بوويێن ب ملياران دۆلاران كربوون.