پارتی و ئێکەتی ئەڤرۆ دێ ل سەر ئاستێ بلند کۆم بن
گاڤ
دهێتە چاڤەرێکرن ئەڤرۆ کۆمبوونا پارتی دیمۆکراتی کوردستان و ئێكهتیا نشتیمانى یا كوردستانێبهێتە کرن و پهیڤدارێ ئێکەتیێ زانیاریێن نوو ل سهر كۆمبوونێ ل گهل پارتى ئاشكرا دكهت.
سۆران جهمال، پهیڤدارێ ئێكهتیا نشتیمانى یا كوردستانێ ب میدیایێن فهرمى یێن حزبا خۆ گۆتیه: ئەڤرۆ رۆژا شهمبیێ دێ پارتى و ئێكهتى كۆمبن، كۆمبوون دێ تایبهت بیت ب رهوشا سیاسى، ئێمناهى، ئابۆرى و ئیدارهیا ههرێمێ.
ههروهسا ئاشكراكر، ئێك ژ تهوهرێن گرنگ یێن كۆمبوونێ دێ دانوستاندن بیت ل سهر ههلبژارتنێن پهڕلهمانێ كوردستانێ كو دێ رهوشا سیاسى، ئێمناهى و ئابۆرى بنه بنهمایهك بۆ وێ پرۆسهیێ.
پهیڤدارێ ئێكهتیێ دازانین، شاندا ئێكهتیێ ل سهر ئاستێ كارگێرى، ئهندامێن سهركردایهتیێ و تیمێ حكومهتێ یه و ل سهر ئاستهكێ بلنده و ههموو دهستههلات ب ئهندامێن وى شاندێ دانوستاندكار هاتینه دان.
ژ لایەکی دیڤە ژێدهرهكێ پارتى بۆ گاڤ راگههاند: گهلهك بابهتێن ههلاویستى و ئالۆز د ناڤبهرا پارتى و ئێكهتى دا ههنه كو د كۆمبوونێ دا دانوستاندن ل سهر بهێتهكرن، لێ وهك دهستپێشخهریا چوونا شاندا پارتى بۆ سلێمانیێ و دهستپێكرنا كۆمبوونێن فهرمى بۆ چارهكرنا كێشهیان، ههردو ئالى رێككهفتینه كو شهرێ میدیایى رابگرن و پشتى كۆمبوونا ئەڤرۆ ژى، تیمێ حكومى یێ ئێكهتیێ ڤهگهریته دهوام و كۆمبوونێن ئاسایی یێن حكومهتێ.