گاڤ

جەنرالەکێ هێزا ئاسمانی یا ئەمریکا نڤیسارەک بۆ هەموو هێزێن خۆ هنارتیە و تێدا داخواز ژێ کریە بەرهەڤیێن شەرێ ل گەل چینێ دەستپێبکەن.

واشنتۆن پۆست ئەڤرۆ راگەهاند؛ جەنەرال مایک مینیهان د نڤیسارا خۆ دا راگەهاندیە "هەست دکەم ل سالا 2025ێ دێ شەرێ ل گەل چینێ دەستپێکەت، شی ژینگ پینگ، سەرۆکێ چینێ ل ئۆکتۆبەرا سالا 2022 خۆلا سیێ یا سەرۆکاتیێ مسوگەر کر و جڤاتا شەری دانا، هەلبژارتنێن سەرۆکاتیا تایوان و ئەمریکا ژی ل سالا 2024 دێ هێنە کرن و ئەڤە دێ ئەگەرەکێ باش دەنە سەرۆکێ چینێ ل سالا 2025ێ هێرشا ل سەر تایوانێ دەستپێبکەت".

جەنەرالێ ئەمریکی داخواز ژ هەموو هێزا ئاسمانی کریە لەزێ د بەرهەڤیان دا بکەن و بۆ شەرێ سالا 2025ێ د بەرهەڤ بن.

ناکووکیێن چین و تایوانێ ل سالا بووری گەهشتنە خراپترین ئاست، چین وی وەلاتی ب ئاخا خۆ دبینیت، ئەمریکا ژی رێکێ نادەت چین هێرشی وی وەلاتی بکەت و گەفێن بەرسڤدانا سەربازی کرینە ئەگەر هێرش بکەن.