گۆلچيێ به‌رێ يێ هه‌ولێرێ: دێ خانى و ترۆمبێلا خۆ فڕۆشم دا ياريكه‌ران بۆ يانه‌يێ بكڕم

بەلاڤ بکە

 

گاڤ

ئه‌ندامێ ده‌سته‌يا كارگێرى يا يانه‌يا هه‌ولێرێ و گۆلچيێ به‌رێ يێ يانه‌يێ ئه‌ڤرۆ شه‌مبيێ راگه‌هاند كو ئه‌و دێ ترۆمبێل و خانيێ خۆ فڕۆشيت دا كو ياريكه‌ران ل سه‌ر كيستێ خۆ بۆ يانه‌يێ بكڕيت.
ديدار حامد راگه‌هاند؛ من بۆ كارگێريا يانه‌يا هه‌ولێرێ پێشنيار كر كو خانى و ترۆمبێلا خۆ بفڕۆشم دا كو يانه‌يا هه‌ولێرێ بشێت گرێبه‌ستێ ل گه‌ل هه‌ردو ياريكه‌رێن ئيراقى يێن پيشه‌كار ل خۆلا كوێتێ شێركۆ كه‌ريم و ئاسۆ رۆسته‌م بگرێده‌ت.
ناڤهاتى زێده‌تر ژى بۆ گاڤ دياركر؛ ئه‌ڤ چه‌نده‌ ژ به‌ر بۆرينا يانه‌يا هه‌ولێرێ د كاودانێن دارايى يێن ب زه‌حمه‌ت دايه‌ هه‌روه‌سا ژ به‌ر حه‌زژێكرنا من بۆ جه‌ماوه‌رێ يانه‌يێ يه‌.
ديار ژى كر؛ شێركۆ و ئاسۆ ژ باشترين ياريزانانه‌ ل ئيراقێ و ئه‌گه‌ر بهێنه‌ دناڤ رێزێن يانه‌يا هه‌ولێرێ دا، دێ كارتێكرنا خۆ هه‌بن.
يانه‌يا هه‌ولێرێ پشتى 13 گه‌ڕان ژ خۆلا نايابا ئيراقێ ب 13 خالان ل رێزا 15ێ دهێت.