گاڤ

به‌نكا ناڤه‌ندى يا ئيراقێ د حه‌فتيا بۆرى دا نزيكى نيڤ مليار دۆلاران فرۆشتينه‌ ب كێمبوونا ب رێژه‌يا 26.27% ب هه‌ڤبه‌ركرن ل گه‌ل حه‌فتيا ژ به‌رى وێ.
به‌نكا ناڤه‌ندى د پێنج رۆژێن ڤه‌كرنا مه‌زادێ فرۆشتنێ دا ژ رۆژا ئێكشه‌مبيێ تا كو پێنجشه‌مبيا بۆرى 437 مليۆن و 300 هزار و 223 دۆلار ب تێكرايێ رۆژانه‌ يێ 87 مليۆن و 460 هزار و 44 دۆلاران فرۆشتينه‌ ب كێمبوونا ب رێژه‌يا 26.27% ب هه‌ڤبه‌ركرن ل گه‌ل حه‌فتيا ژ به‌رى وێ.
گاڤ زانيه‌ كو رۆژا دوشه‌مبيێ پترين قه‌باره‌يێ فرۆشتنێ د حه‌فتيا بۆرى دا ب 126 مليۆن و 944 هزار و 502 دۆلاران و رۆژا پێنجشه‌مبيێ كێمترين قه‌باره‌يێ فرۆشتنێ ب 61 مليۆن و 649 هزار و 886 دۆلاران تۆماركرينه‌.
بهايێ فرۆشتنا دۆلارى د حه‌فتيا بۆرى دا ب شێوه‌يێ كاش و ب شێوه‌يێ ڤه‌گوهاستنێن پاره‌ى يێن ده‌ره‌كى 1460 دينار بۆ هه‌ر دۆلاره‌كێ بوون.