گاڤ
پشتى كۆمبوونا ئه‌ڤرۆ یا پارتى و ئێكه‌تیێ ل سلێمانیێ، هه‌ر ئێك ژ ئه‌مریكا و بریتانیا خۆشحالیا خۆ ب نێزیكبوونا هه‌ردو ئالیان نیشاندا.
ئه‌ڤرۆ شانده‌كێ سه‌ركرداتیا پارتی دیمۆکراتی کوردستان ل سلێمانیێ دگه‌ل شاندێ سه‌ركرداتیا ئێکەتیا نشتیمانی یا کوردستانێ ل بارەگەهێ مەکتەبا سیاسی یا ئێکەتیێ  كۆمبوو، پشتى كۆمبوونێ د داخۆیانیه‌كا هه‌ڤپشك دا بڕیار هاته‌دان كۆمبوون د به‌رده‌وام بن.
ل دۆر ده‌ستپێكرنا دانوستاندنێن هه‌ردو ئالیان، كونسۆلخانه‌یا گشتى یا ئه‌مریكا ل هه‌رێمێ راگه‌هاند، ئه‌و پێشوازیێ ل ڤێ بزاڤا هه‌ڤپه‌یمانێن خۆ ل هه‌رێما كوردستانێ دكه‌ن كو د به‌رژه‌وه‌ندیا خه‌لكێ كوردستانێ دایه‌.
هه‌روه‌سا كونسۆلخانه‌یا ئه‌مریكا ل هه‌ولێرێ ئاماژه‌ ب وێ ئێكێ ژى كر، پارتى و ئێكه‌تى پێكڤه‌ دشێن كوردستانه‌كا ئارامتر و باشتر ئاڤا بكه‌ن و دیاركرى یه‌ ژى، ماله‌كا ئێكگرتى هه‌رده‌م دێ یا سه‌ركه‌فتى بیت.
ژلایێ خۆ ڤه‌ كونسۆلخانه‌یا بریتانیا ل هه‌ولێرێ ل ئه‌كاونتێ خۆ یێ تویته‌رى پێشوازى ل نێزیكبوونا پارتى و ئێكه‌تیێ كر و دیاركر، ئه‌ڤه‌ گاڤه‌كا ده‌ستپێكى یا گرنگه‌ بۆ دیتنا زه‌مینه‌یه‌كا هه‌ڤپشك د به‌رژه‌وه‌ندیا هه‌رێما كوردستانا ئیراقێ دا، چاڤێ مه‌ ل وێ ئێكێ یه‌ د كۆمبوونێن بهێن دا پێشڤه‌چونه‌كا باش د پرسێن سه‌ره‌كى دا بهێته‌كرن.