ئينستيتيۆته‌كا فره‌نسى بۆ قۆتابيان: ژيريا ده‌ستكرد بكارنه‌ئينن يان دێ هه‌وه ده‌رئێخين
بەلاڤ بکە
گاڤ
ئينستيتيۆتا لێكۆلينێن سياسى ل پاريس "ساينس پۆ" داخواز ژ قۆتابيان كر كو ئالاڤێن ژيريا ده‌ستكرد بكارنه‌ئينن ئه‌گه‌ر دێ ژ ئينستيتيۆتێ هێنه ده‌رئێخستن.
د نامه‌يه‌كا كارگێريا ئينستيتيۆتێ بۆ قۆتابيان و مامۆستايان دا هاتيه؛ بكارئينانا ئالاڤێ ChatGPT يان هه‌ر ئالاڤه‌كێ دى يێ ژيريا ده‌ستكرد د ئه‌ركێن قۆتابيان يێن نڤيسكى و زاره‌كى دا قه‌ده‌غه‌يه ب تنێ ئه‌گه‌ر ب ئارمانجه‌كا زانستى ب سه‌رپه‌رشتيا ئێك ژ مامۆستايان نه‌بيت.
ساينس پۆ دهێته هژمارتن وه‌ك ئێكه‌م سازيا خواندنا بلند ل فره‌نسا كو ب فه‌رمى ChatGPT يا كو دشێت تێكستان بۆ به‌رسڤدانا پرسيارێن ساده بنڤيسيت، قه‌ده‌غه دكه‌ت.
ئينستيتيۆتێ ل دۆر ئه‌گه‌رێن ڤێ بڕيارێ دياركريه؛ ئه‌ڤ ئالاڤێ ژيريا ده‌ستكرد بوويه جهێ دودليێ ل ده‌ف گه‌له‌ك سازيێن فێركرنێ و لێكۆلينان ل سه‌رانسه‌رى جيهانێ ژ به‌ر مه‌سه‌له‌يێن قۆپيايێ و دزيا نڤيسينان.
هه‌شت زانكۆيێن ئوسترالى ژى ژ به‌رى نوكه بكارئينانا قۆتابيان بۆ ئالاڤێن ژيريا ده‌ستكرد ب قۆپيا لقه‌له‌مدابوون.
