وه‌زاره‌تا كاره‌بێ يا ئيراقێ: ژ به‌ر چاككرنا بۆريێن غازا ئيرانى پێدانا كاره‌بێ دێ كێم بيت
01/29/2023 - 18:27
بەلاڤ بکە
گاڤ
وه‌زاره‌تا كاره‌بێ يا ئيراقێ راگه‌هاند كو ژ به‌ر راوه‌ستيانا هاورده‌كرنا غازا ئيرانى بۆ 12 رۆژان ده‌مژمێرێن پێدانا كاره‌بێ دێ ل ژماره‌يه‌كا ده‌ڤه‌رێن ئيراقى كێم بن.
د به‌يانه‌كا وه‌زاره‌تێ ئه‌ڤرۆ شه‌مبيێ دا هاتيه؛ ژ به‌ر راوه‌ستيانا هاورده‌كرنا غازا ئيرانى بۆ 12 رۆژان، دێ ده‌مژمێرێن پێدانا كاره‌بێ ل به‌غدا و ژماره‌يه‌كا ده‌ڤه‌رێن ناڤه‌راستا ئيراقێ و فوراتا ناڤه‌راست كێم بيت.
ديار ژى كريه؛ ئه‌ڤ كاودانێن هه‌نێ ژ ده‌رڤه‌ى كونترۆلا وه‌زاره‌تێ نه و ژ به‌ر چاككرنا بۆريێن ڤه‌گوهاستنا غازا ئيرانى، نزيكى 7500 مێگاواتێن كاره‌بێ هاتينه ژده‌ستدان.
ئاشكرا ژى كر؛ راوه‌ستيانا غازا ئيرانى ژ بۆ مه‌ره‌مێن چاككرنا بۆريان هه‌ر ژ رۆژا پێنجشه‌مبيێ 26/1/2023 ده‌ستپێكربوو.
