"ئه‌مريكا رۆژانه نزيكى 200 هزار به‌رميلێن په‌ترۆلێ ژ ئيراقێ هاورده كرينه"
01/29/2023 - 19:40
بەلاڤ بکە
گاڤ
كارگێريا داتايێن وزه‌يێ يا ئه‌مريكى ئه‌ڤرۆ ئێكشه‌مبيێ راگه‌هاند كو هنارده‌كريێن په‌ترۆلا ئيراقێ بۆ ئه‌مريكا د حه‌فتيا بۆرى دا نزيكى 200 هزار به‌رميلان بوو وه‌ك تێكرايێ رۆژانه.
د راپۆرته‌كا كارگێريێ دا هاتيه؛ تێكرايێ هاورده‌كرنا ئه‌مريكا بۆ په‌ترۆلا خاڤ د حه‌فتيا بۆرى دا ژ هه‌شت وه‌لاتان گه‌هشتبوو 5.078 مليۆن به‌رميلان رۆژانه ب كێمبوونا ب 599 هزار به‌رميلان رۆژانه ژ حه‌فتيا ژ به‌رى وێ.
ديار ژى كريه؛ تێكرايێ هنارده‌كريێن په‌ترۆلێ يێن ئيراقێ بۆ ئه‌مريكا د حه‌فتيا بۆرى دا 195 هزار به‌رميل بوون رۆژانه ل ده‌مه‌كێ ل حه‌فتيا ژ به‌رى وێ تێكرايێ رۆژانه 201 هزار به‌رميل بوون.
