فرۆكه‌خانه‌يا نێڤده‌وله‌تى يا هه‌ولێرێ مه‌رجێن فرۆشتنا دۆلارى بۆ عومره‌كاران ئاشكرا كرن
02/16/2023 - 20:14
بەلاڤ بکە
گاڤ
فرۆكه‌خانه‌يا نێڤده‌وله‌تى يا هه‌ولێرێ مه‌رجێن فرۆشتنا دۆلارى ب بهايێ به‌نكا ناڤه‌ندى ده‌ستنيشانكرى بۆ كه‌سێن دڤێن سه‌ره‌دانا سعووديه بۆ ئه‌نجامدانا عومره‌يێ بكه‌ن، ئاشكرا كرن.
كارگێريا فرۆكه‌خانه‌يێ ئه‌ڤرۆ پێنجشه‌مبيێ راگه‌هاند؛ هه‌ر عومره‌كاره‌كێ دڤێت ب رێكا فرۆكه‌خانه‌يێ سه‌ره‌دانا سعووديه بكه‌ت، دشێت سێ هزار دۆلاران ب بهايێ 132 هزار ديناران بۆ 100 دۆلاران بكڕيت.
ل دۆر مه‌رجێن فرۆشتنا دۆلارى ب بهايێ فه‌رمى بۆ عومره‌كاران دياركريه؛ پێدڤيه عومره‌كان پاسپۆرته‌كا كارپێكرى و پلێتا گه‌شتكرنێ هه‌بيت هه‌روه‌سا پێدڤيه ژيێ عومره‌كان ژ 18 سالان كێمتر نه‌بيت.
ئاماژه دايه وێ چه‌ندێ ژى؛ عومره‌كار دشێت هه‌يڤێ جاره‌كێ گه‌شتێ بكه‌ت.
