تركیا لێگه‌ریانا رزگاربوویێن ئه‌ردهه‌ژێ ب دویماهی ئینا

بەلاڤ بکە

گاڤ
ده‌ستهه‌لاتدارێن تركیا ئه‌ڤرۆ ب دویماهیهاتنا لێگه‌ریانا رزگاربوویێن ئه‌ردهه‌ژا 6ى ڤێ هه‌یڤێ راگه‌هاند كو ده‌هان هزار كه‌سان تێدا ژیانا خۆ ژ ده‌ستدا و بریندارن، تا نها چاره‌نڤیسێ ده‌هان هزار كه‌سێن دى ژی نه‌دیاره‌.
 ئه‌ڤرۆ سازیا كاره‌سات و دهه‌وارچونا تركیا (ئافاد) ێ راگه‌هاند، لێگه‌ریانا رزگاربوویان ل هه‌مى ده‌ڤه‌رێن ئه‌ردهه‌ژێ ژ بلى دو پارێزگه‌هان ب دویماهى هات.
ل گۆره‌ى داتایێن فه‌رمى یێن تركیا، تا نها پترى 40 هزار كه‌سان ژ ئه‌نجامێ ئه‌ردهه‌ژا 6ى ڤێ هه‌یڤێ ژیانا خۆ ژ ده‌ستداینه‌ و ب ده‌هان هزار كه‌سێن دى بریندار و بێسه‌ر و شوینن.
سه‌رۆك كۆمارێ تركیا ره‌جه‌ب ته‌یب ئه‌ردۆغان ئه‌ردهه‌ژ ب مه‌زنترین كاره‌سات دایه‌ زانین ژ ده‌مێ دامه‌زراندنا كۆمارا تركیا تا نها و ل گۆره‌ى پێشبینیان، ئه‌ردهه‌ژێ دناڤبه‌را 30 بۆ 40 ملیار دۆلاران زیان هه‌بووینه‌.