ل سووریا ژبه‌ر ئه‌ردهه‌ژا شه‌ڤێدى 4 كه‌سان ژیانا خۆ ژ ده‌ست دا
02/21/2023 - 12:49
بەلاڤ بکە
گاڤ
روانگه‌ها سوورى بۆ مافێ مرۆڤى راگه‌هاند، ژبه‌ر ئه‌ردهه‌ژا شه‌ڤێدى چار كه‌سان ل ته‌رتووس ژیانا خۆ ژ ده‌ست دایه و ل حه‌له‌ب، حه‌ما و ئدلب ژى وه‌لاتیان مالێن خۆ بجهـ هێلاینه و تا نوكه ژى نه‌ڤه‌گه‌ڕیاینه.
شه‌ڤێدى ل توركیا دو ئه‌ردهه‌ژان ل هاتایى دا و د ئه‌نجام دا 6 كه‌سان ژیانا خۆ ژ ده‌ست دایه و 294 كه‌س ژى بریندار بووینه، ئه‌ردهه‌ژ بووینه ئه‌گه‌ر چه‌ندین ئاڤاهى ب هه‌رفن و مه‌ترسیا هه‌رفینێ ل سه‌ر چه‌ندین ئاڤاهیێن دى ژى مایه.
پاشئه‌ردهه‌ژێن شه‌ڤێدى گه‌هشتینه سووریا ژى و زیانێن گیانى ل پاش خۆ هێلاینه و روانگه‌ها سوورى بۆ مافێ مرۆڤى راگه‌هاند، ئاكنجیێن حه‌له‌ب، حه‌ما و ئدلبێ مالێن خۆ ب جهـ هێلاینه و دوپاتكر، ژبه‌ر ئه‌ردهه‌ژا شه‌ڤێدى چار كه‌سان ل ته‌رتووس ژیانا خۆ ژ ده‌ست دایه.
