گووگل ئهپدێتهكا گرنگ بۆ كرۆمى بهردهستكر
02/23/2023 - 21:48
گاڤ
كۆمپانيا گووگل ئهپدێتهكا نوى بۆ ’گووگل كرۆم’ ويبگهڕێ خۆ يێ ناڤدار بۆ سيستهمێن كاركرنێ يێن ويندۆز و ماك و لينكس بهردهستكر كو ژمارهيهكا كێشهيێن سێكيۆرتيێ چاره دكهت.
سهرهراى بهردهستكرنا ئهپدێتا نوى بۆ سيستهمێ ويندۆزى، لێ بكارهێنهرێن ويندۆز 7 يان 8 نهشێن بكاربينن چونكى گووگلى ههر ژ ههيڤا بۆرى ئهپدێتێن كرۆمى بۆ سهر وان ڤێرژنێن كهڤن يێن ويندۆزى راوهستانديه.
پشكا سهپۆرتا كرۆمى د كۆمپانيا گووگل دا دياركر؛ كرۆم 110 ئێكهم ڤێژنه كو ب تنێ ل سهر سيستهمێن كاركرنێ يێن ويندۆزى يێن 10 و 11 كار دكهت.
ههروهسا ل سهر ئاميرهيێن ماك و لينكس ژى كار دكهت.
ئاشكرا ژى كر؛ ئهپدێتا نوى يا كرۆمى 15 كێشهيێن سێكيۆرتيێ، ژ وان ژى 3 يێن گهلهك مهترسيدار چاره دكهت.