ئهكتهرێ ناڤدارێ هندى ئهمیتاب تووشى هنگافتنی بوو
گاڤ
ئهكتهر و فلمسازێ ناڤدارێ هندى ئهمیتاب باچان راگههاند، ل دهمێ ئامادهكرنا فلمهكى ئهو تووشى هنگافتنێ بوویه و نها ل مال چارهسهریا سروشتى وهردگریت.
ئهمیتاب كو دژیێ 80 سالیێ دایه ل تویتهرێ خۆ راگههاند، ههستیێ پهراسیێن وى تووشى شكهستنێ و ئێشانهكا دژوار بوویه ل دهمێ وینهكرنا فلمێ ئهندیشهیا زانستى (پرۆژێكت كهى) ل باژێرێ حهیدهر ئاباد.
ئهمیتاب كو خودان جهماوهرهكێ مهزنه لسهر ئاستێ جیهانێ، پشتى تووشى هنگافتنێ بووى ل مال، ل باژێڕێ مومباى بێهنا خۆ ڤهدكهت تاكو چاره دبیت، ب هزاران حهز ژێكهرێن وى ل بهردهرێ مالا وى چاڤهرێى باشبوونا رهوشا وى دكهن. بهرههمئینانا فلمێ كار لسهر دكر ژى راوهستایه تاكو رهوشا وى باش دبیت.
ئهمیتابى پشكدارى د پترى 200 فلمێن هندى دا كرى یه و دهستپێكا وى بۆ فلمێ (زنجیر) ل سالا 1973ێ ڤهدگهریت، ههروهسا ئهمیتابى بێژهیا تهلهفزیۆنى و كارێ سیاسى ژى كرى یه.