ئه‌ردهه‌ژه‌كا دى ل هاتاى دا
بەلاڤ بکە
گاڤ
پشتى نیڤا شه‌ڤێ یا شه‌ڤێ دى ئه‌ردهه‌ژه‌كێ بهێزا 4.1 پله‌یێن رێخته‌ر ل هاتایى ل باكۆرێ كوردستانێ دا و كووراتیا وێ 7 كیلۆمتر بوون.
سه‌رۆكاتیا كاره‌ساتێن بله‌ز و هاوارهاتنا توركیا (ئافاد)ێ راگه‌هاند، پشتى نیڤا شه‌ڤێ یا شه‌ڤێ دى ل ده‌ژمێر 1:14 خۆله‌ك ئه‌ردهه‌ژه‌كێ ب هێزا 4.1 ل سه‌نته‌رێ باژێڕێ ده‌فنه یێ سه‌ر ب پارێزگه‌ها هاتایى ڤه دا و كووراتیا وێ 7.07 كیلۆمتر بوون.
ده‌ما چه‌ندین جارانه ئه‌ردهه‌ژ ل هاتایى ل باكۆرێ كوردستانێ دده‌ن و بلندترین هێزا ئه‌ردهه‌ژێ ژى ل رۆژا 20-2-2023ێ یێ هاتیه تۆماركرن و 6.4 پله‌یێن رێخته‌ر بوو.
4.17 خۆله‌كى سپێده‌هیا 6-2-2023ێ یێ دو ئه‌ردهه‌ژێن ل دووف ئێك ب پله‌یێن 7.7 و 7.6 پله‌یێن رێخته‌ر ل مه‌رەشا باكۆرێ كوردستانێ دان و 11 پارێزگه‌هێن توركیا و باكۆرێ كوردستانێ گرتن و چه‌ندین پارێزگه‌هێن سووریا و ل پارێزگه‌ها دهۆكێ ژى هه‌ست پێ هاته‌كرن.
پشتى ئه‌ردهه‌ژێ هزاران پاشئه‌ردهه‌ژان لێدایه و بوویه ئه‌گه‌ر ب هزاران خانى و ئاڤاهى ب هه‌رفن و هزاران كه‌سان ژیانا خۆ ژ ده‌ست دایه و تا نوكه ژى لێگه‌ریان ل قوربانیان ل ژێر هه‌رفته‌یێن ئاڤاهیان به‌رده‌وامه.
