گاڤ - تایبەت
ب تۆمەتا بکارئینانا دەستهەلاتێن رێڤەبەریێ بۆ کارێن تایبەت، رێڤەبەرەکێ حکومی ل دهۆکێ ژ کارێ وی هاتە لادان و چەندین کەیس ل فەرمانگەها دەستپاکیێ ل سەر وی هاتینە تۆمارکرن.
ژێدەرەکێ ئاگەهدار بۆ گاڤ دیارکر؛ ژبەر هەبوونا کەیسێن جودا و ب تۆمەتێن جودا جودا رێڤەبەرێ تایێ دهۆکێ یێ کۆچ و کوچبەران یێ گرێدایی حکومەتا ئیراقێ ژ کاری هاتە لادان.
ژێدەرێن گاڤ ئاماژە ب هەبوونا ژمارەیەکا کەیسان ل سەر وی رێڤەبەری دکەن کو هەتا نوکە ژی هندەک ژ وان کەیسان هێشتا ڤەکری ل رێڤەبەریا دەستپاکیا دهۆکێ ل سەر وی ماینە و هێشتا ل ژێر ڤەکۆلینێ دانە.