گاڤ

نزيكى 5 مليۆن ته‌نێن به‌رمايك و گلێشى يێن پلاستيكى د زه‌ريايان و ده‌ريايان دا هه‌نه‌ و هوشدارى ژ زێده‌بوونا وان به‌رمايكان دهێنه‌ دان.
لێكۆلينه‌كا ئينستيتيۆتا Gyres 5 ئاشكرا كريه‌؛ نزيكى 4.9 ته‌نێن پلاستيكى، د زێده‌بوونه‌كا بێ وێنه‌ دا هه‌ر ژ سالا 2005، د زه‌ريايان دا هه‌نه‌.
لێكۆله‌ران داخوازا ئيمزاكرنا په‌يمانه‌كا نێڤده‌وله‌تى بۆ به‌رسينگگرتنا ڤێ ديارده‌يێ كرن.
"ئه‌گه‌ر رێكارێن ب له‌ز نه‌هێنه‌ هاڤێتن، دهێته‌ چاڤه‌رێكرن ل گه‌ل هاتنا سالا 2040، مادده‌يێن پلاستيكى دناڤ ژێده‌رێن ئاڤێ دا ب 2.6 جاران زێده‌تر ببن ژ نوكه"‌، لێكۆله‌ران راگه‌هاندينه‌.
داتايێن 11777 جهان ژ شه‌ش ده‌ڤه‌رێن زه‌ريايى و ده‌ريايى يێن سه‌ره‌كى د لێكۆلينێ دا هاتبوونه‌‌ وه‌رگرتن.
ئه‌و شه‌ش ده‌ڤه‌رێن بووينه‌ كه‌ره‌سته‌يێن لێكۆلينێ،‌ ژ باكۆرێ زه‌ريايا ئه‌تله‌نتيكى، باشوورێ زه‌ريايا ئه‌تله‌نتيكى، باكۆرێ زه‌ريايا هێمن، باشوورێ زه‌ريايا هێمن، ده‌وروبه‌رێن هندێ و ده‌ريايا سپى يا ناڤه‌راست پێكدهاتن.