بۆچى گه‌شتێن ئاسمانى ل سپێدێ زوى بۆ گه‌شتياران باشترن؟
بەلاڤ بکە
گاڤ
گه‌شتێن ئاسمانى يێن سپێده‌يان ژماره‌يه‌كا مفايان بۆ گه‌شتياران به‌رده‌ست دكه‌ن كو د ده‌مێن دى يێن رۆژێ دا نينن و ب تايبه‌ت يێن به‌رى ده‌مژمێر 8ى سپێدێ.
گه‌له‌ك كه‌س حه‌ز ناكه‌ن پلێتێن گه‌شتێن سپێدێ ببڕن به‌لكو بۆ ده‌مێن دى يێن رۆژێ دهێلن، لێ شاره‌زا ئاماژه‌يێ دده‌نه هنده‌ك تايبه‌تمه‌نديێن گه‌شتێن سپێده‌يان ب هه‌ڤبه‌ركرن ل گه‌ل ده‌مێن دى يێن رۆژێ.
ئامارێن مالپه‌رێ Trip به‌لاڤكرين ديار دكه‌ن كو ب گشتى بهايێ پلێتێن گه‌شتێن ئاسمانى يێن فرۆكه‌يان يێن ژ به‌رى ده‌مژمێر 9ى سپێدێ، ب رێژه‌يا 15% ئه‌رزانترن ژ ده‌مێن دى يێن رۆژێ چونكى گه‌له‌ك لود ل سه‌ر كڕينا پلێتێن وى ده‌مى نينه.
هه‌روه‌سا ل گۆره‌ى پسپۆرێن بوارێ فرۆكه‌ڤانيێ؛ گه‌شێن سپێدێ هنده‌ك تايبه‌تمه‌نديێن دى وه‌كى فرۆكه‌يێن پاقژتر ژ ناڤ دا، پێشكێشكرنا خزمه‌تگۆزاريێن باشتر ژ لايێ تيما فرۆكه‌يێ ڤه بۆ گه‌شياران چونكى ل وى ده‌مى ل ده‌ستپێكا كارێ خۆ يێ رۆژانه‌نه به‌رده‌ست دكه‌ن هه‌روه‌سا شياوا گيرۆبوون يان پاشئێخستنا گه‌شتێن سپێدى كێمتره ب هه‌ڤبه‌ركرن ل گه‌ل ده‌مێن دى يێن رۆژێ.
هه‌روه‌سا پشتى سپێدێ و ب تايبه‌ت ژ ده‌مژمێر 11ى سپێدێ تا 4ى پشتى نيڤرۆ، قه‌ره‌بالغ ل فرۆكه‌خانه‌يان دگه‌هيته گۆپيتكێ و گه‌شتيار پتر ل جهێن پشكنينا چه‌نته‌يان و پاسپۆرتێ و پشكێن دى يێن فرۆكه‌خانه‌يێ گيرۆ دبن و ل سرايان دراوه‌ستن.
زێده‌بارى ڤێ چه‌ندێ، ئێك ژ كارمه‌ندێن تيمه‌كا فرۆكه‌يان بۆ TPG دياركر؛ 95% ژ گه‌شتێن سپێده‌يان يێن فرۆكه‌يان د ده‌مێ خۆ دا دچن، لێ گه‌شتێن ئێڤاريان ژ به‌ر پێدڤياتيێ بۆ چاككرنا فرۆكه‌يێ يان ره‌وشا سه‌قاى پتر رويبروى گيرۆبوونێ دبن.
