گاڤ

میدیایا سووریا راگه‌هاند، ئسرائیلێ هێرشى گونده‌وارێن حه‌ما و ته‌رتووسێ كریه‌ و سێ سه‌ربازێن سووریا ژیانا خۆ ژ ده‌ست دایه‌.

میدیایا فه‌رمى یا ئسسرائیلێ راگه‌هاند، ئه‌ڤرۆ به‌رێ سپێدێ ل ده‌مژمێر 7:17 خۆله‌ك فڕۆكه‌یێن شه‌ڕكه‌رێن ئسرائیلێ هێرشى گونده‌وارێن حه‌ما و ته‌رتووسێ كریه‌ و ژ ئه‌گه‌را هێرشێ سێ سه‌ربازێن سووریا ژیانا خۆ ژ ده‌ست دایه‌.

هیرشێن ئسرائیلێ هه‌ر ژ ده‌ما شۆڕشا سووریا ل سالا 2011ێ ل دژى رژێما ئه‌سه‌دى به‌رده‌وامن و به‌رى چه‌ند رۆژان ژى فڕۆكخانه‌یا حه‌له‌بێ ژ ئالیێ سوپایێ ئسرائیلێ ڤه‌ ببوو ئارمانج و ب ئێكجارى هاتیه‌ ژ ناڤبرن.

پشتى ئه‌ردهه‌ژا شه‌شى مه‌ها بۆرى و تا نوكه‌ چه‌ندین وه‌لاتان نیازا خۆشكرنا په‌یوه‌ندیان ل گه‌ل حكومه‌تا سووریا هه‌یه‌ و ژ وان ژى تونس و ئیمارات، لێ ئسرائیل تا نوكه‌ ژى رژده‌ ل سه‌ر هێرشێن خۆ و نیازا خۆشكرنا په‌یوه‌ندیان ل گه‌ل وى وه‌لاتى نینه‌.