ئیلۆن مەسک دێ باژێرەکێ بچویک بۆ کارمەندێن خۆ ئاڤا کەت

بەلاڤ بکە

گاڤ
زەنگینترین کەسێ جیهانێ ب نیازە باژێرەکێ بچویک بۆ کارمەندێن کۆمپانیێن خۆ ل تێکساس ئاڤا بکەت.
رۆژنامەیا وۆل ستریت جۆرنال یا ئەمریکی راگەهاند؛ ئیلۆن مەسک، خودانێ کۆمپانیێن تویتەر، تێسلا و سپەیس ئێکس پارچەیەکا ئەردی ل باژێرێ بۆستن ل ویلایەتا تێکساس کریە و دێ باژێرەکێ بچویک بۆ کارمەندێن خۆ وێ دەڤەرێ ئاڤا کەت.
هەروەسا دیار کر کو کارمەندێن کۆمپانیێن مەسکی دێ ب کرێ شوقەیان وەرگرن، لێ ب بهایەکێ ئەرزانتر ژ بهایێ پرۆژەیێن دی.
رۆژناما ئەمریکی دا زانین ژی کو بهایێ هەیڤانە یێ هەر شوقەیەکا دو ژووری ل باژێرێ مەسکی دێ 800 دۆلار بن، ل هەمبەر دا بهایێ هەمان شوقە ل باژێرێن دەردور 2200 دۆلارن.
ئیلۆن مەسکی ئەڤ نووچەیە رەت کریە، لێ پشتر ژی وی چەندین پرۆژەیێن خۆ رەت کرینە و ل دویڤ دا راست دەرچووینە.