ئهرێ راسته كاميرهيا Galaxy S23 Ultra وێنهيان بۆ ههيڤێ ب كوالێتيهكا باش دگريت؟
گاڤ
راپۆرتهكا رۆژنامهڤانى پرۆپاگێندايهكا كۆمپانيا سامسۆنگ ل دۆر گرتنا كاميرهيا موبايلا وێ يا بهێت Galaxy S23 Ultra بۆ وێنهيێن ههيڤێ ب كوالێتيهكا وهك تێلێسكۆپان ب نهراست لقهلهمدا.
سامسۆنگ راگههاند بوو كو د شيانێن كاميرهيا Galaxy S23 Ultra دا ههيه كو ههيڤێ ب كوالێتيهكا بلند ب رێكا نزيككرنا بهێزكرى وێنه بكهت.
د راپۆرتهكا مالپهرێ رێدت دا هاتيه؛ سامسۆنگێ تهكنيكا ژيريا دهستكرد بۆ باشتركرنا كوالێتيا وێنهيێن ههيڤێ بكارئينايه دا كو وهسا بهێنه نيشاندان وهكى ب تێلێسكۆپهكا كوالێتى بلند هاتيه وێنهكرن و نهك موبايل بكارئينايه.
بۆ ڤێ چهندێ، لێكۆلهر ibreakphotos رابوويه ب داونلودكرنا وێنهيهكێ ژ ئهنترنێتێ بۆ ههيڤێ و پاشى دهستكارى تێدا كريه و نهزهلالكريه و ل دويڤ دا ب موبايلا گالاكسى وێنه كريه، ئانكۆ وى ب رێكا وێنهكرنا شاشهيا لاپتۆپى ل جهێ ههيڤا دروست موبايل د سهردا بر، پاشى ژ بهركو موبايلێ جوداهى ئاشكرا نهكر، ژيريا دهستكرد رابوو ب بهرههمئينانا وێنهيهكێ ب كوالێتى كو هزر دكر ههيڤا دروسته.
سامسۆنگ دياركريه كو موبايلا وێ Galaxy S23 Ultra بهێزترين ساخلهتێ زوومكرنێ ب پتر ژ X100 جاران ههيه.
ل گۆرهى ڤيديۆيان، ژ راست كاميرهيا وێ يا هێزه، لێ وێنهيێن ههيڤێ ب رێكا ژيريا دهستكرد و نهك موبايلێ هاتينه وێنهكرن.