ئێدى هه‌ر كه‌سێ قه‌رێن ئه‌وقافێ نه‌ده‌ت دێ ده‌ست ب سه‌ر مولكێن وان دا هێته‌ گرتن

گاڤ – تایبه‌ت
ل باژێرێ دهۆكێ ب سه‌دان ملیۆن دینارێن ئه‌وقافێ ل كرێدارێن وێ یه‌ و رێڤه‌به‌رێ گشتیێ ئه‌وقافێ دبێژیت: خه‌لك هه‌یه‌ پترى 100 ملیۆن دیناران قه‌ردارێ ئه‌وقافێ یه‌ و حكومه‌تێ ژى بریاردایه‌ هه‌ر كه‌سێ قه‌رێن خۆ نه‌ده‌ت ده‌ست ب سه‌ر مولكێن وان دا بهێته‌ گرتن.
محه‌مه‌د خالد، رێڤه‌به‌رێ گشتیێ ئه‌وقافێ ل پارێزگه‌ها دهۆكێ بۆ گاڤ راگه‌هاند: ب سه‌دان ملیۆن دیمنارێن ئه‌وقافێ ل كرێدارێن وێ یه‌ و ئێدى نه‌دانا كرێیێن ئه‌وقافێ ل دهۆكێ بوویه‌ دیارده‌یه‌ و ب تنێ ل باژێرێ دهۆكێ نێزیكى 800 ملیۆن دینارێن ئه‌وقافێ ل ده‌ڤ كرێداران مایه‌ و ژ وى پاره‌ى ژى نێزیكى 400 ملیۆنان یێن 7 كه‌سانه‌ و كه‌س هه‌یه‌ كو پترى 100 ملیۆنان قه‌ردارێ ئه‌وقافێ یه‌.
گۆت ژى: ل سه‌ر بریارا حكومه‌تێ وان لیسته‌كا قه‌ردارێن ئه‌وقافێ دایه‌ رێڤه‌به‌ریا جهـئینانێ ل دهۆكێ داكو قه‌رێن ئه‌وقافێ بهێنه‌ وه‌رگرتن، لێ گه‌ر قه‌رێن وان نه‌هێنه‌دان ل دویڤ بریارا حكومه‌تێ دێ ده‌ست ب سه‌ر مولكێن قه‌رداران دا هێته‌ گرتن.