بريتانيا بڕيارهكێ ل دۆر تيك تۆكى ددهت
گاڤ
بريتانيا ئهڤرۆ پێنجشهمبيێ بڕيارهك ل دۆر بكارئينانا ئهپليكهيشنێ چينى تيك تۆكى ژ لايێ فهرمانبهرێن حكومهتێ ڤه دا.
تۆڕا BBC بهلاڤكريه؛ دهستههلاتێن بريتانى بڕيارا قهدهغهكرنا بكارئينانا ئهپليكهيشنێ تيك تۆكى ل سهر موبايل و ئاميرهيێن فهرمانبهرێن حكومى دا.
ديار ژى كريه كو ئهڤ بڕياره ژ بهر ئهگهرێن ئهمنى يه.
تۆم توگێندهات داخواز ژ سهنتهرێ ئێمناهيا نيشتيمانى يێ ئهلهكترۆنى كر كو لێكۆلينێ ل دۆر كێشهيێ بكهت.
حكومهتا بريتانيا كهفتبوو بهر ژمارهيهكا فشاران ژ بۆ قهدهغهكرنا تيك تۆكى ژ فهرمانبهرێن حكومى وهكى ئهمريكا و ئێكهتيا ئهورۆپى.
ژ بهرى نوكه، ژمارهيهكا ويلايهتێن ئهمريكى و كۆميسيۆنا ئهورۆپى ژ بهر مهترسيێن سيخۆريكرنا تيك تۆكى ل سهر فهرمانبهران و دزينا داتايێن ههستيار، ئهو ئهپليكهيشنه ژ فهرمانبهرێن حكومى قهدهغه كربوون.