لێكۆلينهكا سويدى: كافيين مهترسيا تووشبوونێ ب جۆرێ دوێ ژ نهخۆشيا شهكرێ كێم دكهت
03/16/2023 - 20:23
گاڤ
لێكۆلينهكا سويدى يا نوى ئاشكرا كر كو كافيين مهترسيا تووشبوونێ ب نهخۆشيا شهكرێ ژ جۆرێ دوێ كێم دكهت.
كافيين ب رێژهيهكا باش دناڤ قههوهيێ دا ههيه ههروهسا دناڤ چايا رهش و كهسك ژى دا ههيه و ههر فنجانهكا قههوهيێ دناڤبهرا 70 تا 150 مليگرامێن كافيينێ تێدا ههنه.
لێكۆلينێن بهرى نوكه ژى دياركربوون كو ڤهخوارنا 3 تا 5 كۆپان رۆژانه ژ قههوهيێ كو دهولهمهنده ب كافيينێ دبيته ئهگهرێ كێمبوونا مهترسيا تووشبوونێ ب جۆرێ دوێ يێ نهخۆشيا شهكرێ و نهخۆشيێن دلى و بۆريێن خوينێ.
تيمهكا لێكۆلهران ژ ئينيستيتيۆتا كارۆلينسكا يا سويدى ئاشكرا كرن كو زێدهبوونا ئاستێ كافيينێ د خوينێ دا، دبيته ئهگهرێ كێمبوونا دوهنان د لهشى دا.
"ههروهسا كافيين مهترسيا تووشبوونێ ب جۆرێ دوێ ژ نهخۆشيا شهكرێ كێم دكهت"، ل گۆرهى لێكۆلينێ.