ئه‌ورۆپا بهايێن قازانجێ ب 50 خالێن بنه‌ره‌تى زێده‌كرن

بەلاڤ بکە

گاڤ

 

به‌نكا ناڤه‌ندى يا ئه‌ورۆپى ئه‌ڤرۆ پێنجشه‌مبيێ بلندكرنا بهايێن قازانجێ ب 50 خالێن بنه‌ره‌تى و ب رێژه‌يا 3% راگه‌هاند.

پشتى نه‌ئاراميا د كه‌رتێ به‌نكى يێ جيهانى دا و زێده‌بوونا تێكرايێن هه‌لئاوسانێ ل ده‌ڤه‌را يۆرۆى، به‌نكا ناڤه‌ندى يا ئه‌ورۆپى بڕيارا زێده‌كرنا بهايێن قازانجێ دا.

تێكرايێن هه‌لئاوسانێ ل ده‌ڤه‌را يۆرۆى گه‌هشتيه‌ 8.5% و ئه‌ڤ چه‌نده‌ گه‌له‌ك ژ ئارمانجا به‌نكا ناڤه‌ندى يا ئه‌ورۆپى ”رێژه‌يا 2%” پتره‌.

به‌نكا ناڤه‌ندى يا ئه‌ورۆپى راگه‌هاند؛ جڤاتا برێڤه‌برنێ بڕيارا زێده‌كرنا هه‌ر سێ بهايێن قازانجێ يێن سه‌ره‌كى يێن به‌نكێ ب 50 خالێن بنه‌ره‌تى دا كو دبيته‌ رێژه‌يا 3%.

كه‌رتێ به‌نكى ل جيهانێ پشتى ئيفلاسبوونا به‌نكا سيليكۆن ڤالى ل ئه‌مريكا د نه‌ئاراميێ دا دبۆريت سه‌ره‌راى "جوداهيا ره‌وشا دارايى ل ئه‌ورۆپا ب هه‌ڤبه‌ركرن ل گه‌ل ئه‌مريكا" ل گۆره‌ى به‌رپرسێن ئه‌ورۆپى.

زێدەتر دەربارەی