گاڤ

راپۆرته‌كا فره‌نسى سه‌رپرايزه‌كا نوى ل دۆر بزاڤێن يانه‌يا پاريس سان جێرمان بۆ نويكرنا گرێبه‌ستا ليۆنێل مێسى ئاشكرا كر.

تۆڕا RMC سپۆرت دياركر كو گۆتوبێژ دناڤبه‌را مێسى و پاريس سان جێرمان دا ل دۆر نويكرنا گرێبه‌ستێ د به‌رده‌وامن و ب تنێ رێككه‌فتن ل سه‌ر هنده‌ك هويركاتيان مايه‌.

خۆيا ژى كر؛ مێسى دڤێت گرێبه‌ستا ل گه‌ل يانه‌يا فره‌نسى ب مه‌رجێن وه‌كى يێن كێليان ئێمباپێ نوى بكه‌ت، لێ كارگێريا پاريس سان جێرمان نه‌يا به‌رهه‌ڤه‌ خۆ راده‌ستى هه‌مى داخوازيێن مێسى بكه‌ت.

زێده‌ ژى كر: تا نوكه‌ كۆده‌نگى دناڤ به‌رپرسێن يانه‌يێ دا ل سه‌ر هزرا نويكرنا گرێبه‌ستا مێسى نينه‌.

تۆڕێ ئاشكرا ژى كر؛ تا نوكه‌ رێككه‌فتنه‌كا ده‌ستپێكى دناڤبه‌را هه‌ردو لايان دا بۆ نويكرنا گرێبه‌ستێ هه‌يه‌ لێ ماوه‌يێ گرێبه‌ستێ و مووچه‌ تا نوكه‌ نه‌هاتينه‌ ده‌ستنيشانكرن.

وێ تۆرێ ديار ژى كريه‌ كو پلانه‌ك بۆ ژێكژێككرن و دوباره‌ ئاڤاكرنا هێلا هێرشبه‌ريێ يا يانه‌يا فره‌نسى و دانانا شه‌نگسته‌يێ پلانێ ل سه‌ر ئێمباپێ هه‌يه‌.

ئه‌ڤ چه‌نده‌ ژ بۆ كێمكرنا مووچه‌يێن يانه‌يێ و خۆگونجاندنێ ل گه‌ل رێسايێن ياريا پاقژه‌.