دادگه‌ها تاوانان يا نێڤده‌وله‌تى فه‌رمانا ده‌سته‌سه‌ركرنا سه‌رۆكێ رۆسيا ده‌ركر
بەلاڤ بکە
گاڤ
دادگه‌ها تاوانان يا نێڤده‌وله‌تى به‌رى ده‌مه‌كێ كێم فه‌رمانا ده‌سته‌سه‌ركرنا سه‌رۆكێ رۆسيا ژ به‌ر ئه‌نجامدانا تاوانێن جه‌نگى ل ئۆكراينا ده‌ركر.
ئاژانسان به‌لاڤكرينه؛ دادوه‌رێن دادگه‌ها تاوانان يا نێڤده‌وله‌تى فه‌رمانا ده‌سته‌سه‌ركرنا ڤلاديمير پۆتين ژ به‌ر تاوانێن هێزێن رۆسى ل ئۆكراينا ده‌ركر.
دادگه‌هێ د به‌يانه‌كێ دا راگه‌هاند؛ فه‌رمانا ده‌سته‌سه‌ركرنا پۆتينى ژ به‌ر تۆمه‌تێن ئه‌نجامدانا تاوانێن جه‌نگى ل ئۆكراينا هاتيه ده‌ركرن.
هه‌ر ژ ده‌ستپێكا شه‌ڕێ رۆسيا ل سه‌ر ئۆكراينا ل 24/2/2022 رێكخراوێن نێڤده‌وله‌تى ژماره‌يه‌كا مه‌زن ژ تاوانێن هێزێن رۆسى ل دژى كه‌سێن مه‌ده‌نى، ژێرخانه‌يا وه‌لاتى و ژێرخانه‌يا وزه‌يێ ل ئۆكراينا دێكيۆمێنت كرينه.
ئه‌مريكا و ژماره‌يه‌كا وه‌لاتێن ئه‌ورۆپى و سازيێن رۆژئاڤايى سزايێن جودا جودا ل سه‌ر موسكۆيێ ژ به‌ر ئۆپه‌راسيۆنا سه‌ربازى يا وێ ل ئۆكراينا سه‌پاندينه.
