گاڤ
لێكۆلینه‌كا زانكۆیا هارڤارد یا ئه‌مریكى دیاردكه‌ت، خوارنا ساخله‌م ئه‌گه‌ره‌ تووشبوون و ژیان ژ ده‌ستدان ب نه‌خۆشیان كێم ببیت و كارتێكرنه‌كا راسته‌وخۆ ل سه‌ر ته‌مه‌ندرێژیی دكه‌ت.
لێكۆله‌رێن زانكۆیا هارڤارد یا ئه‌مریكى دیاردكه‌ن، بكارئینانا خوارنا ساخله‌م ئه‌گه‌ره‌ بۆ كێمكرنا مه‌ترسیێ ب تووشبوونا نه‌خۆشیێن درێژخایه‌ن، ب تایبه‌ت ئه‌و نه‌خۆشیێن وه‌ك ژبیرچوونێ و هه‌روه‌سا مرۆڤى ژ نه‌خۆشیێن دلى و داخستنا ره‌هێن خوینێ ژى د پارێزیت.
لێكۆلین دیاردكه‌ت، ئه‌وێن كه‌سكاتیێ و فێقى د خۆن ته‌مه‌نێ وان درێژتره‌ ژ كه‌سێن دى یێن خوارنێن گران د خۆن.
هه‌روه‌سا ئاشكراكریه‌، ئه‌وێن خوارنێن گیایى د خۆن كێمتر تووشى نه‌خۆشیێن دل، هه‌ناسه‌، په‌نجه‌شێر و نه‌رێكیا كۆئه‌ندامێ ده‌مارێ دبن.
ده‌زگه‌هێ خوارنا جیهانى ژى دبێژیت: خوارنێن ده‌ریایى، ده‌خل و دان و به‌لگێن كه‌سك ژێده‌ره‌كێ سه‌ره‌كى یێ درێژكرنا ته‌مه‌نێ مرۆڤى یه‌.