"پترۆل پتر داكه‌ڤیت دێ كورتهێنان د بودجه‌یا ئیراقێ دا روى ده‌ت"
03/19/2023 - 09:05
بەلاڤ بکە
گاڤ
راوێژكارێ سه‌رۆكوه‌زیرێن ئیراقێ راگه‌هاند، داكه‌فتنا بهایێ پترۆلێ دێ كورتهێنانا بودجه‌یا ئیراقێ زێده‌تر لێكه‌ت.
مه‌زهه‌ر محه‌مه‌د سالح راوێژكارێ دارایی یێ سه‌رۆكوه‌زیرێن ئیراقێ دو ئه‌گه‌رێن سه‌ره‌كى بۆ داكه‌فتنا بهایێ پترۆلێ نیشاندان، ئه‌وژى: داكه‌فتنا ئابۆرى ل وه‌لاتێن پیشه‌سازى و هه‌ڕفینا كه‌رتێ بانكى ل وه‌لاتێن رۆژئاڤا. هه‌روه‌سا رێژه‌یا گه‌شه‌یا ئابۆرى و خواستنا گشتى به‌ره‌ڤ داكه‌فتنێ یه ب تایبه‌تى ل وه‌لاتێن رۆژئاڤا و هاورده‌كارێن پترۆلێ، ڤێ ئێكێ ژى وه‌كرى یه خواست ل سه‌ر پترۆلێ كێم ببیت.
ل دۆر پرۆژه‌یێ بودجه‌ی ژى مه‌زهه‌ر محه‌مه‌دى گۆت" د پرۆژه یاسایا بودجه‌یا ئیراقێ دا بهایێ به‌رمیله‌كا پترۆلێ ب 70 دۆلاران هاتیه دانان و هه‌رده‌مێ پترۆل ژ وى بهای پتر داكه‌فت دێ كورتهێنان د بودجه‌یێ دا روى ده‌ت.
