گاڤ

ئه‌ڤرۆ ل باژێرێ وانێ یێ باكورێ كوردستانێ و سته‌نبۆلێ دێ ئاهه‌نگێن نه‌ورۆزا ئه‌ڤساله‌ هێنه كرن.

هه‌ر سال ل باكورێ كوردستانێ و تركیا، كورد ئاهه‌نگێن نه‌رۆزێ ل مه‌یدانان دكه‌ن و چاڤه‌رێ یه‌ وه‌كى هه‌ر سال ل نه‌ورۆزا ئه‌ڤساله‌ یا ئامه‌دێ پترى ملیۆنه‌ك كه‌سان پشكداریێ بكه‌ن.

 ئه‌ڤرۆ ل هه‌ر ئێك ژ باژێرێن وان و سته‌نبۆلێ دێ ئاهه‌نگێن نه‌ورۆزێ هێنه‌ گێران كو چاڤه‌رێ دهێته‌ كرن ب سه‌دان هزار كورد پشكداریێ تێدا بكه‌ن.

ئاهه‌نگا وانێ یا ئه‌ڤرۆ دێ ل ده‌مژمێر 10 ى سپێدێ ل نێزیك كه‌لها دیرۆكى یا وى باژێڕى هێته‌ كرن، ل سته‌نبۆلێ ژى ده‌مژمێر 11دێ ل ناوچه‌یا په‌نكاپى هێته‌ كرن.

ئاهه‌نگێن نه‌ورۆزا ئه‌ڤساله‌ وه‌كى سالێن پێشتر ژلایێ پارتیا دیمۆكراتیا گه‌لان و و پارتیێن بسه‌ر ڤه‌ هاتینه‌ رێكخستن و بڕیاره‌ نه‌ورۆز ل 43 مه‌یدانان، ل 23 باژێر و 20 باژێركان بهێته‌ كرن. ب ئاهه‌نگا مه‌زن یا ئامه‌دێ ل رۆژا ئێكێ یا نه‌رۆزێ دێ ئاهه‌نگێن نه‌ورۆزێ ل باكورێ كوردستانێ و تركیا ب دویماهى هێن.