گاڤ

سپێده‌هیا ئه‌ڤرۆ سه‌رۆكێ رۆسیا ڤلادیمیر پۆتین ب سه‌ره‌دانه‌كا ژنشكه‌كێڤه‌ گه‌هشته‌ باژێرێ ماریۆپۆل یێ ئۆكراینى كو ژلایێ هێزێن رۆسیاڤه‌ هاتیه‌ كونترۆلكرن.

ئاژانسا نوچه‌یێن تاس یا رۆسى به‌لاڤكر، ڤلادیمیر پۆتین دچارچووڤه‌یێ گه‌شته‌كا بازرگانى دا گه‌هشتیه‌ باژێرێ ماریۆپۆل كو ل سالا بۆرى ژلایێ رۆسیاڤه‌ هاتیه‌ كونترۆل كرن.

 ئاماژه‌ ب وێ ئێكێ ژى دایه‌، پۆتین ب رێكا هه‌لیكۆپته‌ره‌كێ گه‌هشتیه‌ ماریۆپۆل ل هه‌رێما دونیتسك ل رۆژهه‌لاتێ ئۆكراینا و ب ترۆمبێلێ ژى  ل دۆر هنده‌ك ناوچه‌یێن باژێڕى زڤرى یه‌.

هه‌روه‌سا پۆتینى سه‌ره‌دانا هژماره‌كا پرۆژه‌یین باژێڕى كرى یه‌ و دگه‌ل وه‌لاتیێن وى باژێرى ئاخفتیه‌.