دوسیهیێن پتر ژ 4189 كهسێن ب نهیاسایى دو مووچه وهردگرتین رهوانهى چاڤدێریا دارایى هاتنه كرن
گاڤ
وهزارهتا دارایى و ئابوورى یا ههرێما كوردستانێ دوسیهیێن 4189 فهرمانبهر و خانهنشینان رهوانهى دیوانا چاڤدێریا دارایى كر كو ب شێوهیهكێ نهیاسایى دو مووچه وهردگرتن.
وهزارهتا دارایى و ئابوورى یا ههرێما كوردستانێ ئهڤرۆ ئێكشهمبیێ راگههاند؛ دوسیهیا 4189 فهرمانبهر و خانهنشینان رهوانهى دیوانا چاڤدێریا دارایى هاتنه كرن كو ب نهیاسایى دو مووچه وهردگرتن.
دیار ژى كریه؛ پشتى بڕیارا دویماهیێ یا لژنهیا هویربینى و لێكۆلینێ یا تایبهت ب لیستا فهرمانبهران و خانهنشینان كو ژمارهیا وان 10819 مووچهخۆر بوون، دوسیهیێن 4189 ژ فهرمانبهر و خانهنشینێن دو مووچه ب نهیاسایى وهردگرتین، رهوانهى دیوانا چاڤدێریا دارایى هاتنه كرن.
ئاشكرا ژى كریه؛ 1973 كهسان ب نهیاسایى دو مووچهیێن خانهنشینیێ وهرگرتینه، 1849 كهسان ب نهیاسایى دو مووچهیێن فهرمانبهریێ و خانهنشینیێ وهرگرتینه و 367 كهسان ب نهیاسایى دو مووچهیێن فهرمانبهریێ وهرگرتینه.
وهزارهتێ خۆیا ژى كریه كو دهستهیێن وردبینیێ د دیوانا چاڤدێریا دارایى دا دێ وردبینیێ د رێكارێن بڕین و ڤهگهڕاندنا وان بڕه مووچهیان دا كهت كو ل پشتى 1/7/2020 و ل دویڤ دا ب نهیاسایى وهرگرتینه و زێده ژى كریه: پێدڤیه ب زویترین دهم ئهو مووچهیه ژ وان بهێنه وهرگرتن و ژ بۆ خهزینهیا گشتى بهێنه ڤهگهڕاندن.