سەقاناسیا هەرێمێ سەقایێ هەرسێ رۆژێن نەورۆزێ بەلاڤ کر

بەلاڤ بکە

گاڤ
رێڤەبەریا سەقاناسی و بیڤەلەرزان یا حکومەتا هەرێما کوردستانێ پێشبینیا سەقایێ هەرسێ رۆژێن نەورۆزێ کر.
ل گۆرەی پێشبینیێن سەقاناسیێ، ل رۆژا دوشەمبیێ ئاسمان دێ ب درێژاهیا رۆژێ نیمچەعەور بیت، پشتی نیڤرۆ دێ باران ل دەڤەرێن چیایی و سەنتەرێ پارێزگەهان ژی باریت ل گەل لێدانا بریسیان.
ل رۆژا سێشەمبیێ کو دبیتە ئێکەم رۆژا نەورۆزێ، ئاسمان دێ پتریا دەمێن رۆژێ عەور بیت، باران دێ وەک تاڤی پشتی نیڤرۆ دەستپێکەن و پلەیێن گەرمێ ژی دێ داکەڤن، هەروەسا دەلیڤەیا بارینا گژلووکێ ژی هەیە.
هەروەسا ل رۆژا چارشەمبێ ژی ئاسمان دێ نیمچەعەور بیت، لێ رێژەیا بارانێ دێ ژ هەردو رۆژێن پێشتر کێمتر بیت.
رێڤەبەریا سەقاناسی و بیڤەلەرزان هوشداری ژی ژ لێدانا بریسیان دا ل رۆژێن نەورۆزێ و داخواز ژ خەلکی کر کو ژ جهێن بلند دویر بکەن.

زێدەتر دەربارەی