لێكۆلینه‌ك په‌یوه‌ندیه‌كێ دناڤبه‌را ده‌رمانێن نڤستنێ و تێكچوونا بیردانكێ دا دیار دكه‌ت
بەلاڤ بکە
گاڤ
لێكۆلینه‌كا ساخله‌مى یا نوى په‌یوه‌ندیه‌ك دناڤبه‌را بكارئینانا ده‌رمانێن نڤستنێ و تووشبوونێ ب تێكچوونا بیردانكێ دا ئاشكرا كر.
ئاژانسان به‌لاڤكرینه؛ لێكۆلینه‌كا نوى ئاشكرا كریه كو تێكچوونا نڤستنێ یا گرێدایه ب زێده‌بوونا مه‌ترسیا تووشبوونێ ب تێكچوونا بیردانكێ و بكارئینانا ده‌رمانێن نڤستنێ و نه‌شیانا نڤستنێ ب له‌ز، په‌یوه‌ندیه‌ك ل گه‌ل زێده‌بوونا مه‌ترسیا تێكچوونا بیردانكێ د ده‌مێ 10 سالان دا هه‌یه.
دیار ژى كریه كو ده‌رمانێن نڤستنێ مه‌ترسیا تووشبوونێ ب تێكچوونا بیردانكێ ب رێژه‌یا 30% زێده دكه‌ن.
ئه‌ڤه ب ئێكه‌م لێكۆلین ل ئه‌مریكا ل دۆر ڤه‌دیتنا په‌یوه‌ندیه‌كێ دناڤبه‌را تێكچوونا نڤستنێ و مه‌ترسیا تووشبوونێ ب تێكچوونا بیردانكێ د ده‌مێ دومدرێژ دا ل سه‌ر دانعه‌مران دهێته هژمارتن.
رۆجێر وونگ زانایێ ساخله‌میا گشتى ل زانكۆیا ویلایه‌تا نیویۆرك یا پزیشكى ل دۆر لێكۆلینێ دیاركر؛ مه پێشبینى دكر كو زه‌حمه‌تیا نڤستنێ و بكارئینانا ده‌رمانێن نڤستنێ مه‌ترسیا تووشبوونێ ب تێكچوونا بیردانكێ زێده‌تر لێ بكه‌ت.
لێكۆلین ل سه‌ر 6284 كه‌سێن د سه‌ر 65 سالیێ دا ل ئه‌مریكا بۆ ده‌مێ ده‌هـ سالان هاتبوو كرن.
